Comhad

T.P. Ó Néill ag trácht ar Dhialanna Mhic Easmainn (29/03/1994)

Dublin Core

Teideal

T.P. Ó Néill ag trácht ar Dhialanna Mhic Easmainn (29/03/1994)

Cur Síos

Go gairid sular craoladh an mhír seo cuireadh dialanna Ruairí Mhic Easmainn ar taispeáint den chéad uair in Oifig na dTaifead Poiblí i Londain. Labhraíonn Seán Ó Cuirreáin le T.P. Ó Néill faoi na dialanna. Pléitear ábhar na ndialanna, fiafraítear ar scríobh Mac Easmainn iad nó ar cumadh iad, agus ceistítear cén úsáid a baineadh astu mar ábhar poiblíochta agus bolscaireachta. Rinne Rialtas na Breataine na dialanna, ina raibh cur síos ar eachtraí homaighnéasacha Mhic Easmainn iontu, a chraobhscaoileadh tar éis a ghafa i 1916. Rinneadh é seo chun droch-cháil a tharraingt ar Mhac Easmainn agus a chuid polaitíochta. Luaitear sa chomhrá an leabhar a d’fhoilsigh Peter Singleton-Gates i 1959 faoi na dialanna, agus an ról a bhí ag an Aimiréal Hall agus Basil Thompson á gcraobhscaoileadh.

Chuir an Rialtas na dialanna chuig an Róimh, ag súil go rachaidís i bhfeidhm ar an bPápa (Benedict XV). Cé go ndeachaigh na dialanna i bhfeidhm ar dhaoine éagsúla thar lear a thacaigh le cúis na bpoblachtánach in Éirinn, dar le T.P. Ó Néill nár chreid formhór mhuintir na hÉireann gur Mac Easmainn féin a scríobh na dialanna. Bhí sé seo amhlaidh le hÉamon de Valera, a cheap go raibh Mac Easmainn “ró-uasal” lena leithéid a scríobh. Luann T.P. Ó Néill go ndúirt Seán Moylan, Aire Oideachais le Fianna Fáil sna 1950í, leis gur chuma leis-sean an fíor nó bréagach a bhí na dialanna, ach gur náisiúnaí agus tírghráthóir a bhí i Ruairí Mac Easmainn.

Dáta

29-03-1994

Ábhar

Ruairí Mac Easmainn
Dialanna Mhic Easmainn
Éirí Amach 1916

Léiritheoir/Cruthaitheoir

Ó Cuirreáin, Seán

Láithreoir

Ó Ceallaigh, Tomás

Cuiditheoir

Ó Néill, T.P.

Clúdach Tíreolaíoch

Oifig na dTaifead Poiblí, Londain, Sasana

Clúdach Ama

21/06/1916-03/08/1916: Ruairí Mac Easmainn sa phríosún
29/03/1994: Dialanna Mhic Easmainn ar taispeáint gpoiblí

Foinse

Cartlann RTÉ Raidió na Gaeltachta

Cearta

© RTÉ Raidió na Gaeltacha. Gach Ceart Ar Cosaint.

Teanga

ga

Aitheantóir

24226

Cineál

Fuaim

Tagairt

Ó Cuirreáin, Seán, T.P. Ó Néill ag trácht ar Dhialanna Mhic Easmainn (29/03/1994), 29-03-1994

Luaigh Mar

Ó Cuirreáin, Seán, “T.P. Ó Néill ag trácht ar Dhialanna Mhic Easmainn (29/03/1994),” Glórtha na Réabhlóide ar RTÉ Raidió na Gaeltachta, accessed 20 Meán Fómhair 2018, http://reabhloid.ie/items/show/73.